No Xulgado do Contencioso-Administrativo número 1 da Coruña tramítase o procedemento abreviado número 112/2012, interposto por Paula Alexandre Teixeiro fronte á Universidade da Coruña, no cal solicita a declaración de nulidade do exame/proba realizada o 16.11.2011, a realización ou repetición da proba de novo, o retrotracción das actuacións ata ese momento, a recusación dos membros do tribunal que incumpriron as normas do proceso selectivo e as custas.
Prazas de técnicos de grao medio en normalización lingüística convocadas por Resolución do 13.1.2011 e do 23.3.2011.
Notifícase isto para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, que conta a partir do seguinte ao da publicación da presente resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
A Coruña, 17 de xullo de 2012
Xosé Luís Armesto Barbeito
Reitor da Universidade da Coruña