De conformidade co disposto no artigo 59.4 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, notifícaselle mediante a publicación no Diario Oficial de Galicia a Claudia de Almeida Ribeiro, con NIE X7948836, como propietaria do vehículo Ford Focus, con matrícula PO-6845-BP, a reclamación dos custos ocasionados pola reposición de farol de luz pública no porto de Cambados, como consecuencia de accidente acaecido o día 27 de novembro de 2011 e documentado en atestado da Policía local, por non ser posible a notificación a través do servizo de Correos no ultimo domicilio coñecido sito en rúa Rosalía de Castro, 119-P-02H, 36600 O Carril-Vilagarcía de Arousa (Pontevedra).

O importe dos custos derivados da reposición do farol, executado de maneira subsidiaria por razóns de urxencia, ascende á cantidade de mil cincocentos vinte e cinco con setenta e catro euros (1.525,74 €), IVE incluído.

A reclamación efectúase ao abeiro do artigo 66 do Regulamento de servizo e policía portuarios do 12 de xuño de 1976, e dos artigos 96, 97 e 98 da Lei 30/1992, do 26 de novembro, de réxime xurídico das administracións públicas e do procedemento administrativo común.

Na súa virtude, requírese a Claudia de Almeida Ribeiro, con NIE X7948836, para que proceda, nos prazos previstos no artigo 62 da Lei 58/2003, do 17 de decembro, xeral tributaria, a abonar a cantidade de mil cincocentos vinte e cinco con setenta e catro euros (1.525,74 €), IVE incluído.

Para o pago da dita cantidade deberá empregarse o modelo de impreso que se facilitará nos servizos centrais de Portos de Galicia, sitos en Área Central, praza de Europa, portal 5-A de Santiago de Compostela; número de teléfono 902 40 08 70.

De non aboarse a dita cantidade no prazo sinalado, esta será exixida pola la vía de constrinximento.

O expediente completo encóntrase nas dependencias dos servizos centrais de Portos de Galicia onde poderá ser examinado das 9.00 ás 14:00 horas.

A reclamación que efectúa a dirección do ente público e que ten eficacia executiva non esgota a vía administrativa, polo que contra ela cabe interpoñer recurso de alzada ante o presidente de Portos de Galicia, no prazo dun mes contado desde o día seguinte ao da publicación.

E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino y selo a presente cédula.

Santiago de Compostela, 13 de xullo de 2012

José Ignacio Villar García
Director de Portos de Galicia