Convocada pola Orde do 7 de maio de 2012 (DOG nº 93, do 16 de maio) a provisión, polo sistema de libre designación, de catro postos de traballo vacantes na Axencia Galega de Innovación, esta consellería, no uso das facultades e atribucións conferidas no artigo 17.4º do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e de conformidade co disposto no seu artigo 29.2º,
DISPÓN:
Primeiro. Resolver a convocatoria para a provisión, polo sistema de libre designación, de catro postos de traballo vacantes na Axencia Galega de Innovación, anunciados pola Orde do 7 de maio de 2012 (DOG nº 93, do 16 de maio).
Segundo. Adxudicarlles destino, nos postos de traballo que se indican, aos funcionarios que se relacionan no anexo a esta orde.
Terceiro. O cesamento no actual destino dos funcionarios que obtiveron praza producirase no prazo de tres días contados a partir do seguinte ao da publicación desta orde no Diario Oficial de Galicia.
A toma de posesión da praza adxudicada deberá realizarse no prazo dos tres días seguintes ao do cesamento, se se trata da mesma localidade en que presta os seus servizos o/a funcionario/a, ou no prazo dun mes se se trata de distinta localidade, conforme o establecido no artigo 14 do Decreto 93/1991, do 20 de marzo, e o disposto na base sétima da convocatoria.
O cómputo de prazos de posesión iniciarase cando rematen os permisos ou licenzas que, de ser o caso, se lle concedesen á persoa; no caso de incapacidade temporal a partir da data de alta.
Cuarto. O centro onde cause alta o/a funcionario/a realizará a dilixencia de toma de posesión dentro dos prazos reflectidos no punto anterior.
Quinto. Contra esta orde, que pon fin á vía administrativa, os interesados poderán interpor recurso potestativo de reposición perante esta consellería no prazo dun mes, contado a partir do día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán interpor recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de xuño de 2012
Javier Guerra Fernández
Conselleiro de Economía e Industria
ANEXO
Apelidos e nome: Souto Iglesias, Fernando.
NRP: 4480797302 A2060.
Subgrupo: A1.
Denominación do posto: xefe/a da División de Administración e Contratación.
Código do posto: IN.C03.00.001.15770.008.
Nivel: 28.
Dependencia: Axencia Galega de Innovación.
Localidade: Santiago de Compostela.
Apelidos e nome: Blanco Aragón, Cristina.
NRP: 5139545824 A2060.
Subgrupo: A1.
Denominación do posto: xefe/a da División de Asesoramento, Programas de Financiamento e Investimentos Estratéxicos.
Código do posto: IN.C03.00.002.15770.031.
Nivel: 28.
Dependencia: Axencia Galega de Innovación.
Localidade: Santiago de Compostela.
Apelidos e nome: Rodríguez Rodríguez, Antonio.
NRP: 3424918668 A2073.
Subgrupo: A2.
Denominación do posto: xefe/a da División de Xestión da Innovación.
Código do posto: IN.C03.00.002.15770.040.
Nivel: 28.
Dependencia: Axencia Galega de Innovación.
Localidade: Santiago de Compostela.
Apelidos e nome: Portela García, Javier.
NRP: 5249243046 A1146.
Subgrupo: C2.
Denominación do posto: secretario/a do/a director/a.
Código do posto: IN.C03.00.000.15770.001.
Nivel: 18.
Dependencia: Axencia Galega de Innovación.
Localidade: Santiago de Compostela.
