A entidade Augas de Galicia recibiu do Xulgado do Contencioso-Administrativo número 2 de Santiago de Compostela oficio polo que se admitiu a trámite o recurso contencioso-administrativo P.O. 404/2011, interposto por Herminia Parajó Romero e María Josefina Allo Castro contra o expediente administrativo de clave DH.A15.11540.
Na súa consecuencia, esta entidade acordou de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao xulgado. Todo o que se comunica para xeral coñecemento de todas as persoas interesadas no procedemento, e emprázanse os interesados para que poidan comparecer como parte nos autos no Xulgado do Contencioso-Administrativo número 2 de Santiago de Compostela no prazo de 9 (nove) días, contados desde o día seguinte ao da publicación desta resolución no Diario Oficial de Galicia.
Santiago de Compostela, 26 de xuño de 2012
Francisco Menéndez Iglesias
Director de Augas de Galicia