Na tramitación do procedemento de revisión de contratos de arrendamento de vivendas de VPP en Belvís, Santiago de Compostela (expediente C-2002//010), cursáronse notificacións de resolución de extinción do contrato de arrendamento a varios adxudicatarios de vivendas de promoción pública, ditadas polo xefe territorial da Consellería de Medio Ambiente, Territorio e Infraestruturas da Coruña.
Intentada a notificación destas resolucións segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e ao non ser posible a súa práctica, notifícaselles aos interesados a resolución de extinción do contrato de arrendamento das vivendas do expediente C-2002/010, que se relacionan no anexo.
Tendo en conta que en atención ao previsto no artigo 61 da Lei 30/1992 o acto non se publica na súa integridade, fáiselles saber aos interesados que o texto íntegro das resolucións que se notifican está á súa disposición durante o prazo de dez días seguintes á publicación desta cédula, na Área Provincial do Instituto Galego da Vivenda e Solo, sita na praza de Luís Seoane, edificio de Servizos Múltiples, s/n, 9º andar, A Coruña.
Contra estas resolucións, que esgotan a vía administrativa, poderán interpor perante o xefe territorial da Consellería de Medio Ambiente, Territorio e Infraestruturas da Coruña recurso de reposición no prazo dun mes, conforme o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Os prazos mencionados anteriormente contaranse desde o día seguinte ao remate do prazo sinalado para o exame do expediente, ou da comparecencia para tal fin, se é o caso.
E para que así conste, expido, firmo e selo esta cédula.
A Coruña, 21 de xuño de 2012
Luis Guillermo Eirís Puñal
Xefe da Área Provincial da Coruña
ANEXO
Nº de expediente |
DNI |
Nome e apelidos |
Último enderezo coñecido |
C-2002/010:7 |
46091255Z |
Yanina Belén García |
Camiño da Ameixaga 22-(B-1-P-2) 2º dta. Santiago de Compostela |
C-2002/010:64 |
44809073J |
David Carlos Vázquez Regueira |
Camiño da Ameixaga 14-(B-5-P-2) 1º esqda. Santiago de Compostela |