O artigo 11 da Lei 4/2006, do 30 de xuño, de transparencia e boas prácticas na Administración pública galega (DOG nº 136, do 14 de xullo), impón a cada consellería da Xunta de Galicia a obriga de publicar, no Diario Oficial de Galicia, unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Dar publicidade á relación dos convenios subscritos pola Consellería de Economía e Industria nos meses de xaneiro, febreiro, marzo e abril do ano 2012, que se incorpora como anexo a esta resolución.
Santiago de Compostela, 26 de xuño de 2012
Borja Verea Fraiz
Secretario xeral técnico da Consellería de Economía e Industria
ANEXO
Convenios de colaboración subscritos pola Consellería de Economía e Industria nos meses de xaneiro, febreiro, marzo e abril do ano 2012
|
Convenio |
Data de sinatura |
Importe |
|
Convenio de colaboración entre a Consellería de Economía e Industria e a Fundación Pública Galega de Medicina Xenómica para a automatización dos procesos das plataformas de secuenciación masiva Sold e Ion Torrent. |
26.1.2012 |
145.000,00 € |
|
Convenio de colaboración entre a Consellería de Economía e Industria e a Cámara Oficial Mineira de Galicia para o desenvolvemento de actuacións de interese xeral para o sector mineiro de Galicia. |
30.3.2012 |
50.000,00 € |
|
Segunda addenda ao convenio de colaboración entre a Consellería de Economía e Industria e o Concello de Cerceda para a execución do proxecto de melloras na estación de tratamento de augas pluviais en Cerceda. |
27.4.2012 |
307.199,92 € |
|
Segunda addenda ao convenio de colaboración entre a Consellería de Economía e Industria e o Concello de Cerceda para a execución do proxecto de museo da minaría de Cerceda. |
27.4.2012 |
300.000,00 € |
|
Segunda addenda ao convenio de colaboración entre a Consellería de Economía e Industria e o Concello de Cerceda para a execución do proxecto de paseo fluvial no Acevedo en Cerceda. |
27.4.2012 |
224.830,81 € |
|
Protocolo xeral de colaboración entre a Consellería de Economía e Industria da Xunta de Galicia e Gas Galicia SDG, S.A. para o desenvolvemento da gasificación e o incremento da penetración do gas natural na Comunidade Autónoma. |
25.5.2012 |
00,00 € |
|
Convenio de colaboración entre a Consellería de Economía e Industria da Xunta de Galicia e as universidades de Vigo, A Coruña e Santiago de Compostela para o fomento da participación de empresas galegas en programas colaborativos internacionais de I+D+i, no marco do Fondo EuroIngenio 2008. |
13/04/2012 |
40.000,00 € |
