O subdirector da Axencia de Protección da Legalidade Urbanística, no 30 de maio de 2012, ditou, por substitución da directora da axencia resolución mediante a que se apercibe a Nilo García López da execución forzosa da resolución, ditada no expediente ES/62-94/FO, pola que se lle ordenou volver os terreos ao estado anterior á execución das obras de construción dun alpendre dentro da servidume de protección do dominio público-marítimo terrestre, na praia de Polas, termo municipal de Foz (Lugo).
Ao non poder realizarse a notificación persoal, mediante a presente cédula, e ao amparo do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícase ao interesado o devandito apercibimento.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao interesado que o texto íntegro do apercibimento que se lle notifica se encontra ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar-Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Contra ese apercibimento non cabe interpoñer recurso ningún.
Para que conste e sirva de notificación ao destinatario arriba indicado, en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.
Santiago de Compostela, 14 de xuño de 2012
José María Domínguez Blanco
Subdirector da Axencia de Protección da Legalidade Urbanística