Convocado o concurso público de méritos para adxudicar en comisión de servizos a dirección do centro residencial docente da Coruña, por Orde do 2 de novembro de 2011 (Diario Oficial de Galicia número 220, do 17 de novembro), de conformidade co establecido no artigo 6 da citada orde,
DISPOÑO:
Primeiro. Adxudicar, de acordo coa proposta da comisión de selección, tal e como dispón o artigo 6 da citada orde, o posto de directora do centro residencial docente da Coruña a María Isabel Pastoriza Facal, con DNI 76350582-N.
Segundo. No uso das atribucións conferidas polo artigo 10 do Decreto 43/1989, do 8 de marzo, modificado parcialmente polo Decreto 52/2006, do 30 de marzo (Diario oficial de Galicia número 64, do 31 de marzo), nomear directora do centro residencial docente da Coruña a Mª Isabel Pastoriza Facal, con DNI 76350582-N.
Terceiro. O nomeamento referido no punto anterior terá efectos económicos e administrativos desde a data de toma de posesión, que deberá ter lugar no prazo dun mes contado desde o día seguinte ao da publicación desta resolución no Diario Oficial de Galicia.
Cuarto. Contra esta resolución, que non pon fin á vía administrativa, os interesados poderán interpoñer recurso de alzada ante o director xeral de Centros e Recursos Humanos, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro.
A Coruña, 28 de maio de 2012
Indalecio Cabana Leira
Xefe territorial da Coruña