A Dirección Xeral da Función Pública recibiu do Xulgado do Contencioso-Administrativo número 3 de Pontevedra providencia pola que se admite a trámite o recurso contencioso-administrativo P.A. 72/2012, interposto por Ana María Sánchez Miniño, contra a Resolución do 27 de decembro de 2011 pola que se ordena a publicación do Acordo do Consello da Xunta de Galicia do 23 de decembro de 2011 polo que se aproba a modificación da relación de postos de traballo da Consellería de Traballo e Benestar (DOG n.º 8, do 12 de xaneiro de 2012).
En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos no Xulgado do Contencioso-Administrativo número tres de Pontevedra no prazo de nove días, contados desde o seguinte ao da publicación desta resolución no Diario Oficial de Galicia.
Santiago de Compostela, 25 de maio de 2012.
José María Barreiro Díaz
Director xeral da Función Pública