A aprobación da modificación das relacións de postos de traballo das consellerías do Medio Rural e do Mar e de Cultura, Educación e Ordenación Universitaria, xustifícase polas necesidades organizativas e funcionais das consellerías.
En consecuencia, por proposta das consellerías do Medio Rural e do Mar e de Cultura, Educación e Ordenación Universitaria, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día 31 de maio de 2012, adoptou o seguinte
ACORDO:
Primeiro. Apróbase a modificación das relacións de postos de traballo das consellerías do Medio Rural e do Mar e de Cultura, Educación e Ordenación Universitaria, nos termos que se sinalan nos anexos a este acordo.
Segundo. Ordénase a súa publicación no Diario Oficial de Galicia para os efectos da súa entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do 31 de maio de 2012, relativo á aprobación da modificación das relacións de postos de traballo das consellerías do Medio Rural e do Mar e de Cultura, Educación e Ordenación Universitaria, coa finalidade de cumprir o dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 31 de maio de 2012.
Elena Muñoz Fonteriz
Conselleira de Facenda