A Xerencia de Xestión Integrada de Santiago de Compostela, de conformidade co establecido no artigo 67 do Decreto 206/2005, da Consellería de Sanidade da Xunta de Galicia (DOG n.º 145, do 29 de xullo de 2005), de provisión de prazas de persoal estatutario do Servizo Galego de Saúde, ao abeiro dos principios recollidos na norma I.2 do Pacto de selección de personal estatutario temporal no ámbito do Servizo Galego de Saúde e entidades adscritas á Consellería de Sanidade (DOG n.º 89, do 9 de maio de 2011), en virtude das competencias atribuídas polo Decreto 311/2009, do 28 de maio (DOG n.º 109, do 5 de xuño), polo que se establece a estrutura orgánica do Servizo Galego de Saúde, e pola Orde do 15 de xuño de 2009 (DOG n.º 119, do 15 de xuño), sobre delegación de competencias en órganos centrais e periféricos do Servizo Galego de Saúde, modificada pola Orde do 28 de setembro de 2011 (DOG n.º 188, do 30 de setembro), para adaptala ao disposto polo Decreto 168/2010, do 7 de outubro (DOG n.º 199, do 15 de outubro de 2010), polo que se regula a estrutura organizativa de Xestión Integrada do Servizo Galego de Saúde,
RESOLVE:
Primeiro. Proceder ao anuncio da convocatoria para cubrir, mediante vinculación temporal, as prazas de facultativo especialista de área que se relacionan na base primeira da resolución da convocatoria.
Segundo. As solicitudes para participar na presente convocatoria xunto coa documentación a que se refiren as bases desta presentaranse, dirixidas á Xerencia de Xestión Integrada de Santiago de Compostela, no Rexistro Xeral do Hospital Clínico Universitario de Santiago de Compostela, sito na Travesía da Choupana, s/n, 15706 Santiago de Compostela, ou a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de quince días naturais, contados a partir do seguinte ao da publicación do presente anuncio da convocatoria no Diario Oficial de Galicia.
Terceiro. As bases íntegras da convocatoria estarán expostas nos taboleiros de anuncios do Hospital Clínico Universitario de Santiago de Compostela así como na páxina web do Servizo Galego de Saúde (www.sergas.es), na epígrafe «Profesional», «Recursos humanos», «Emprego público», «Selección temporal».
Santiago de Compostela, 30 de xaneiro de 2012.
Luís Verde Remeseiro
Xerente de Xestión Integrada de Santiago de Compostela