O Consello de Dirección do Igape, na súa xuntanza do 19 de decembro de 2011, acordou por unanimidade dos seus membros asistentes a aprobación das bases reguladoras das axudas do Igape para a habilitación dunha liña de financiamento específica para os produtores galegos de uva, instrumentadas mediante convenio de colaboración entre o Instituto Galego de Promoción Económica (Igape) e as entidades financeiras adheridas. Sendo as ditas bases publicadas mediante Resolución do 10 de abril de 2012 (DOG n.º 69, do 11 de abril).

Xunto co texto das devanditas bases publicouse a relación das entidades financeiras que se adheriron ao convenio.

Téndose ratificado con data 19 de abril de 2012 a adhesión das entidades financeiras Banco Popular Español, S.A. e Banco Pastor, S.A., cómpre facelo público.

Polo que antecede, en virtude das facultades que teño conferidas mediante o artigo 12.a) da Lei 5/1992, do 10 de xuño, de creación do Instituto Galego de Promoción Económica e do artigo 11.1.a) do Decreto 317/1992, do 12 de novembro, polo que se aproba o regulamento do Igape,

RESOLVO:

Único. Engadir as entidades financeiras Banco Popular Español, S.A. e Banco Pastor, S.A., á relación de entidades financeiras adheridas ao convenio de colaboración para a habilitación dunha liña de financiamento específica para os produtores galegos de uva, asinado o 11 de abril de 2012.

Santiago de Compostela, 10 de maio de 2012.

Javier Aguilera Navarro
Director xeral do Instituto Galego de Promoción Económica