O Tribunal Superior de Xustiza, Sala do Contencioso-Administratrivo, sección terceira, remitiu a esta administración un oficio polo que se solicita o expediente administrativo relativo ao recurso contencioso-administrativo, procedemento ordinario 7658/2011, interposto por María del Carmen de Calvo Otero contra a desestimación por silencio e contra a Resolución ditada o 19 de xaneiro de 2012 pola Consellería de Medio Ambiente, Territorio e Infraestruturas, que desestima o recurso de alzada contra a Resolución do 31 de marzo de 2011 do IGVS, de incoación de expediente de reversión de terreos transmitidos ao IGVS incluídos no sector 10 do Plan Xeral de Ordenación Municipal da Coruña (Parque Ofimático).

En consecuencia, acórdase nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao dito tribunal, o que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos citados, no Tribunal Superior de Xustiza, Sala do Contencioso-Administratrivo, sección terceira, no prazo de nove días, contados desde o día seguinte ao da publicación desta resolución no Diario Oficial de Galicia.

Santiago de Compostela, 23 de abril de 2012.

Antonio José Boné Pina
Director xeral do Instituto Galego da Vivenda e Solo