Coa data do 8 de marzo de 2012, o instrutor do procedemento ditou proposta de resolución do expediente sancionador n.º 2012002TA-OU incoado na Xefatura Territorial de Sanidade de Ourense a Pub Bik Bok (Tecnodifusión Barco, S.L.), con CIF: B32282733.
Intentada a notificación da proposta de resolución segundo o disposto no artigo 59.2 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao abeiro do disposto no número 5 do devandito artigo, notifícaselle a Pub Bik Bok (Tecnodifusión Barco, S.L.), con CIF: B32282733, o contido da dita proposta de resolución, que figura como anexo, para que poida ter coñecemento dela.
Así mesmo, fáiselle saber o dereito que o asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta xefatura territorial no prazo de 15 días hábiles, contados desde o seguinte ao da publicación desta cédula, lembrándolle o seu dereito a consultar o expediente, depositado nas dependencias da xefatura, sita na avda. de Zamora n.º 13 de Ourense, e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.
Esta cédula expídese para que conste e lle sirva de notificación ao/á interesado/a, en cumprimento do disposto no artigo 59.5 da Lei 30/1992, do 26 de novembro.
Ourense, 20 de abril de 2012.
María Villar Suárez
Xefa territorial de ourense
ANEXO
Expediente sancionador 2012002TA-OU.
Denunciado: Pub Bik Bok (Tecnodifusión Barco, S.L.).
Documento de identificación: B32282733.
Último enderezo coñecido: Abdon Blanco, 8, 32300 O Barco de Valdeorras (Ourense).
Feitos imputados: infraccións en materia sanitaria.
Preceptos infrinxidos e tipificación: artigos 19.3.b), infracción grave e 19.2.d), infracción leve da Lei 28/2005, do 26 de decembro, de medidas sanitarias fronte ao tabaquismo e re-guladora da venda, a subministración, o consumo e a publicidade dos produtos de tabaco.
Sanción proposta: seiscentos cincuenta euros (650,00 €).