Trámite de audiencia.
O Xurado Provincial de Clasificación de Montes Veciñais en Man Común de Ourense acordou, en sesión do 14 de marzo de 2012, clasificar como veciñal en man común o monte Veiga, a favor dos veciños de Cerdeira e A Graña, no concello de Xunqueira de Ambía (Ourense).
Posteriormente Orentino Villarino Fernández, presidente da xunta reitora do monte veciñal citado, dirixe escrito a este xurado no que solicita a incorporación, en calidade de veciños comuneiros, as persoas do pobo de Fondodevila, que desde tempo inmemorial están a aproveitar, segundo usos e costumbres, o citado monte en réxime de comunidade xermánica, polo que solicita se proceda a corrixir a clasificación incluíndo tamén como propietarios do monte os veciños do lugar de Fondodevila, segundo foi acordado en asamblea polos comuneiros de Cerdeira e A Graña (en maio do ano 2006) e segundo consta no acto de conciliación que tivo lugar no Xulgado de Paz de Xunqueira de Ambía con data do 18.1.2007.
En sesión do 14 de marzo de 2012 o xurado provincial acordou admitir a petición citada e proceder a súa tramitación, para o que polo presente anuncio dase trámite de audiencia por un prazo de dez días para que os interesados consulten o expediente, formulen as alegacións e presenten os documentos que estimen procedentes.
O expediente pódese consultar na Xefatura Territorial do Medio Rural e do Mar de Ourense, r/ Florentino López Cuevillas, 4 e 6 baixo, no Servizo Xurídico-Administrativo, das 9.00 ás 14.00 horas, de luns a venres (tfno. 988 38 64 83).
Ourense, 23 de abril de 2012.
Ricardo Ignacio Vecillas Rojo
Presidente do Xurado Provincial de Clasificación de Montes Veciñais
en Man Común de Ourense