Visto o expediente para outorgamento de autorización administrativa e aprobación do proxecto de execución da instalación que a seguir se cita:
Solicitante: Hidroeléctrica de Laracha, S.L.
Domicilio social: Nicaragua, 10-3.º esq., 15005 A Coruña.
Denominación: recuamento de M.T. e desmontaxe do C.T. Raxido.
Situación: concello da Laracha.
Características técnicas:
L.M.T.S. a 15/20 kV cunha lonxitude de 0,087 km, condutor tipo R.H.Z.1 20L-12/20 kV-3(1×240 AI), con orixe nos empalmes proxectados coa L.M.T.S. existente A Laracha-Campo da Porta (expte.: 216/07), no tramo entre o C.T. Rechousa (expte.: 332/01) e o C.T. Raxido (expte.: 216/07), e final na cela da liña existente no C.T. Polígono n.º 1. Concello da Laracha.
Cumpridos os trámites ordenados na Lei 54/1997, do 27 de novembro (BOE n.º 285), do sector eléctrico, e no título VII, capítulo II do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación. As súas características están axustadas en todas as súas partes ás que figuran no proxecto e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor rescurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que consideren pertinente.
A Coruña, 27 de marzo de 2012.
Susana Vázquez Romero
Xefa territorial da Coruña