Neste concello tramítase expediente por instancia de Neumáticos Luis, S.L. para licenza de actividade de taller de reparación de vehículos e venda de pneumáticos, que se situará na parcela n.º 2 da 2.ª fase do polígono industrial de Espiñeira, Boiro; actividade sometida ao Decreto 133/2008, do 12 de xuño, polo que se regula a avaliación de incidencia ambiental.
En cumprimento da lexislación vixente sobre actividades molestas, insalubres, nocivas e perigosas, exponse ao público polo prazo de vinte días mediante anuncio no Diario Oficial de Galicia e no Boletín Oficial da provincia para que quen se vexa afectado dalgún modo pola dita actividade, presente as observacións que considere pertinentes.
O expediente obxecto desta información pode consultarse nas oficinas municipais en horario de oficina.
Boiro, 2 de abril de 2012.
Juan José Dieste Ortigueira
Alcalde