Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:

Solicitante: Ministerio de Defensa.

Domicilio social: Santo Domingo, 18, 15001 A Coruña.

Denominación: variante liña M.T. alimentación fábrica de armas.

Situación: Lg. Martineta, As Rañas.

Características técnicas: variante do trazado da liña de M.T. de alimentación a fabrica de armas (Santa Bárbara Sitemas, S.A.) no tramo comprendido entre os apoios n.º 24 y 29, cunha lonxitude de 370 m.

Cumplidos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran neste e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

Contra esta resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que estime pertinente ao seu dereito.

A Coruña, 28 de marzo de 2012.

Susana Vázquez Romero
Xefa territorial da Coruña