No Xulgado do Contencioso-Administrativo número 1 de Santiago de Compostela tramítase o recurso número 12/2012 (procedemento abreviado) promovido por Lois Oreiro Serrano contra o Acordo do 9 de novembro de 2011, do Tribunal número 1 encargado de valorar o proceso extraordinario de consolidación de emprego para provisión de vacantes por persoal laboral fixo na Compañía de Radio-Televisión de Galicia e as súas sociedades, que desestima as alegacións do interesado á puntuación outorgada a este na proba de galego oral.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 20 de marzo de 2012.

Carlos Paz Miño
Director da División de Recursos Humanos da Compañía de Radio-Televisión
de Galicia e as súas sociedades