De conformidade co disposto no artigo 9.2 do texto refundido da Lei de avaliación de impacto ambiental de proxectos, aprobado polo Real decreto lexislativo 1/2008, do 11 de xaneiro, e modificado pola Lei 6/2010, do 24 de marzo, iníciase o trámite de información pública e de participación pública, como parte integrante do procedemento de avaliación de impacto ambiental do expediente da repoboación forestal de 70,00 hectáreas con Eucalyptus nitens no concello de Sobrado, provincia da Coruña.
O estudo de impacto ambiental e o proxecto están dispoñibles ao público, para a súa consulta, nas dependencias da Secretaría Xeral de Medio Rural e Montes da Consellería do Medio Rural e do Mar, situadas en San Lázaro, s/n, Santiago de Compostela, das 9.00 ás 14.00 horas, de luns a venres.
A participación do público poderá realizarse durante o prazo de trinta días hábiles contados a partir do día seguinte ao de publicación deste anuncio no Diario Oficial de Galicia. As persoas que o desexen poderán consultar o expediente durante o referido período e formular as alegacións, observacións e suxestións que consideren oportunas, que deberán dirixirse á Secretaría Xeral de Medio Rural e Montes e presentarse por calquera dos medios que recolle o artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 12 de marzo de 2012.
Tomás Fernández-Couto Juanas
Secretario xeral de Medio Rural e Montes