O recadador da Comunidade Autónoma de Galicia, titular de zona de Lugo, por medio do presente anuncio comunica que se seguen neste órgano de recadación procedementos administrativos de constrinximento contra os debedores que se sinalan na relación que se xunta, segundo establece o artigo 110 Regulamento xeral de recadación. Nos devanditos expedientes practicouse dilixencia de embargo sobre os bens que aparecen como propiedade dos debedores; dilixencia que no lles puido ser notificada os interesados maila os intentos feitos neste sentido. A referencia da dilixencia é a que se sinala no anexo.

Dos embargos que se cita tomarase nota no rexistro que corresponda a favor da Comunidade Autónoma de Galicia.

De conformidade co disposto no artigo 112 da Lei 58/2003, do 17 de decembro, xeral tributaria, emprázanse os interesados, ou os seus representantes, para seren notificados por comparecencia.

A comparecencia deberá efectuarse ante o órgano de recadación (Zona de Recadación de Lugo, rúa Conde 30, Lugo) no prazo de quince días contados desde o seguinte ao da publicación deste anuncio.

Transcorrido o prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Lugo, 16 de marzo de 2012.

Roberto Vázquez Fermoso
Recadador de zona de Lugo

ANEXO