En sesión realizada o día 26 de marzo de 2012, o tribunal nomeado pola Orde do 16 de maio de 2011 (DOG número 96, do 19 de maio) para cualificar o proceso selectivo para o ingreso no corpo superior da Administración da Xunta de Galicia, subgrupo A1, escala superior de finanzas, convocado pola Orde do 27 de decembro de 2010 (DOG número 1, do 3 de xaneiro de 2011),
acordou:
Primeiro. Proceder á publicación da baremación provisoria da fase de concurso correspondente ao proceso selectivo para o ingreso no corpo superior da Administración da Xunta de Galicia, subgrupo A1, escala superior de finanzas. A relación das puntuacións obtidas polas aspirantes recóllense no anexo a esta resolución.
Segundo. Realizar os trámites oportunos para a publicación das devanditas puntuacións no taboleiro de anuncios do Servizo de Información e Atención á Cidadanía da Consellería de Presidencia, Administracións Públicas e Xustiza e na páxina web da Xunta de Galicia (www.xunta.es).
Terceiro. De acordo co disposto na base II.2.4. da convocatoria, contra esta baremación as aspirantes que o consideren oportuno poderán presentar reclamación, ante o propio tribunal, no prazo de dez días hábiles contados a partir do seguinte ao da publicación desta resolución no Diario Oficial de Galicia.
Cuarto. Contra esta resolución os interesados poderán interpoñer recurso de alzada, ante a conselleira de Facenda, no prazo dun mes contado desde o día seguinte ao da publicación desta resolución no Diario Oficial de Galicia, conforme o disposto no artigo 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 26 de marzo de 2012.
Ana Morato Miguel
Presidenta do tribunal
Anexo
NIF |
Apelidos e nome |
Base II.2.1.a).1. |
Base II.2.1.a).2. |
Base II.2.1.b) |
Total |
32675026F |
Rodríguez Fernández, María Patricia |
2 |
-- |
0,43 |
2,43 |
33316318J |
Teijeiro Pena, Susana |
-- |
-- |
-- |
0,00 |
45846554X |
Zapata Quintela, Beatriz |
-- |
-- |
-- |
0,00 |