A Xunta de Goberno local do Concello de Vigo, na sesión extraordinaria e urxente do 2 de febreiro de 2012, adoptou o seguinte acordo:

«Primeiro. Aprobar inicialmente o Plan parcial S-34-R FALCOA, de iniciativa municipal, consonte a documentación elaborada por PETTRA, con data de febreiro de 2010.

Segundo. Ordenar a apertura dun período de información pública polo prazo dun mes mediante a inserción de anuncios no Diario Oficial de Galicia e en dous dos diarios de maior difusión da provincia, e notificar de forma individual e simultánea aos propietarios dos terreos afectados.

Terceiro. Publicar o acordo de aprobación inicial e apertura do período de información pública na páxina de internet municipal».

O expediente estará á disposición do público en xeral no departamento de Información de Urbanismo, situado na planta baixa do edificio da Xerencia Municipal de Urbanismo (praza do Rei, s/n), de luns a venres, das 9.00 ás 13.30 horas, para a súa consulta e a presentación de cantos documentos ou escritos de alegacións consideren pertinentes na súa defensa. O período de exposición pública entenderase desde a primeira publicación ata pasado o mes desde a última publicación.

Vigo, 14 de febreiro de 2012.

María del Carmen Silva Rego
Concelleira delegada da Área de Urbanismo, Cascos Históricos
e Grandes Proxectos