A Dirección Xeral da Función Pública recibiu do Xulgado do Contencioso- Administrativo número 1 de Santiago de Compostela providencia pola que se admite a trámite o recurso contencioso-administrativo P.A. 798/2011, interposto por María Mercedes Robles Gómez, contra a Resolución da conselleira de Facenda, do 16 de setembro de 2011, pola que se desestima o recurso de alzada interposto contra a Resolución do 6 de maio de 2011, do tribunal designado para cualificar o proceso selectivo para o ingreso na categoría 041 (técnico/a ambiental) do grupo II de persoal laboral fixo da Xunta de Galicia, convocado pola Orde do 10 de febreiro de 2009 (DOG n.º 37, do 23 de febreiro).

En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos no Xulgado do Contencioso-Administrativo número 1 de Santiago de Compostela no prazo de nove días, contados desde o seguinte ao da publicación desta resolución no Diario Oficial de Galicia.

Santiago de Compostela, 6 de marzo de 2012.

José María Barreiro Díaz
Director xeral da Función Pública