Pola Orde do 7 de febreiro de 2008 (DOG do 25 de febreiro) fíxose pública a composición do Consello Social da Universidade da Coruña.

O artigo 7.2 da Lei 1/2003, do 9 de maio, dos consellos sociais do sistema universitario de Galicia, establece que serán membros natos do Consello Social, o reitor, o secretario xeral e o xerente da universidade. Así mesmo, serán membros do Consello Social, entre outros un profesor elixido polo Consello de Goberno da universidade de entre os seus membros na forma que determinen os seus estatutos.

O parágrafo 5 deste mesmo artigo establece que a condición de membro do Consello Social se adquirirá unha vez cumpridos os requisitos de designación, nomeamento e publicación no Diario Oficial de Galicia.

O artigo 10.1.a) da citada Lei 1/2003, establece que os membros do Consello Social que cesen por expiración do seu mandato, continuarán nas súas funcións ata a toma de posesión dos novos membros.

Con data do 24 de febreiro de 2012 o presidente do Consello Social da Universidade da Coruña comunica os nomeamentos como membros natos do Pleno do Consello Social da Universidade da Coruña a Xosé Luís Armesto Barbeito, reitor da dita universidade, a Carlos Amoedo Souto como secretario xeral desta universidade, a Juan Manuel Díaz Villoslada, xerente da dita universidade e o nomeamento como membro do Consello Social a Ricardo Cao Abad en representación do profesorado en substitución de Luís Barral Losada.

De acordo co estipulado no artigo 12 da Lei 1/2003, achéganse declaracións de incompatibilidade de todos os membros citados.

O artigo 7.4 da citada Lei 1/2003, do 9 de maio, establece que os acordos de designación de membros do Consello Social lle serán comunicados ao conselleiro competente en materia universitaria, quen procederá ao seu nomeamento mediante orde da súa consellería.

Por todo iso,

DISPOÑO:

Artigo 1.

Facer público o nomeamento de Xosé Luís Armesto Barbeito, reitor da Universidade da Coruña, como membro nato do Consello Social desta universidade.

Artigo 2.

Facer público o nomeamento de Carlos Amoedo Souto, secretario xeral da Universidade da Coruña, como membro nato do Consello Social desta universidade.

Artigo 3.

Facer público o nomeamento de Juan Manuel Díaz Villoslada, xerente da Universidade da Coruña, como membro nato do Consello Social desta universidade.

Artigo 4.

Facer público o nomeamento de Ricardo Cao Abad, en representación do Consello de Goberno da universidade, como membro do Consello Social desta universidade.

Disposición derrogatoria.

Queda derrogada, no que se opoña á presente disposición, a Orde do 27 de maio de 2010, pola que se modifica a Orde do 7 de febreiro de 2008, pola que se fai pública a composición do Consello Social da Universidade da Coruña.

Disposición derradeira.

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 7 de marzo de 2012.

Jesús Vázquez Abad
Conselleiro de Cultura, Educación e Ordenación Universitaria