Por Resolución do concelleiro delegado de Réxime Interior, Patrimonio e Contratación do 29 de febreiro de 2012 aprobouse a modificación das bases de convocatoria reguladora do concurso entre persoal laboral do Concello para a provisión do posto de traballo de oficial de obras, e xa que logo a modificación do anuncio publicado no Diario Oficial de Galicia do 19 de xaneiro de 2012, que queda como segue:

O Boletín Oficial da provincia de A Coruña, número 4, do 5 de xaneiro de 2012, publica as bases da convocatoria de concurso entre persoal laboral para prover o seguinte posto:

Denominación do posto: oficial de obras.

Réxime: laboral.

Grupo: equivalente a outras agrupacións profesionais.

Complemento de destino: (nivel 14) 3.814,20 euros.

Complemento específico: 4.117.77 euros.

O Boletín Oficial da provincia da Coruña, número 46 do 7 de marzo de 2012, publica a modificación da base terceira no que se refire ao prazo de presentación de instancias, polo que este será de quince días hábiles, contados a partir do día seguinte ao da publicación deste anuncio da convocatoria no Diario Oficial de Galicia.

Cambre, 7 de marzo de 2012.

Felipe Andreu Barallobre
Concelleiro delegado de Réxime Interior, Patrimonio e Contratación