O artigo 40 do Regulamento de fundacións de interese galego, aprobado polo Decreto 14/2009, do 21 de xaneiro, establece que o responsable do Rexistro de Fundacións de Interese Galego publicará no Diario Oficial de Galicia o día e a hora do sorteo público para determinar a orde de nomeamentos de auditores, de entre os que figuren na lista de auditores inscritos no Rexistro Oficial de Auditores de Contas que conste na sede electrónica do Instituto de Contabilidade e Auditoría de Contas, para cada unha das circunscricións do territorio da Comunidade Autónoma de Galicia.

O resultado deste sorteo determinará a orde de nomeamento de auditores, por instancia dos protectorados de fundacións de interese galego, ou dos membros do padroado, e publicarase no Diario Oficial de Galicia.

De conformidade co exposto,

resolvo:

Realizar o sorteo referido no parágrafo primeiro en acto público o día 16 de marzo de 2012 ás 10.30 horas no salón de actos número 2 da Consellería de Presidencia, Administracións Públicas e Xustiza, edificio administrativo San Caetano, Santiago de Compostela.

Santiago de Compostela, 27 de febreiro de 2012.

Beatriz Cuiña Barja
Secretaria xeral técnica da Consellería de Presidencia,
Administracións Públicas e Xustiza