O nomeamento de rexistradores da propiedade, mercantís e de bens mobles que desempeñen funcións en Galicia é competencia desta Comunidade Autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.
Visto o expediente instruído para a provisión de rexistros da propiedade, mercantís e de bens mobles vacantes en virtude de concurso ordinario convocado pola Resolución da Dirección Xeral dos Rexistros e do Notariado do 2 de decembro de 2011 e resolto pola Resolución do 24 de xaneiro de 2012 e, de conformidade cos artigos 284 da Lei hipotecaria, 496 e demais concordantes do regulamento para a súa execución, e co Decreto da Xunta de Galicia 7/2011, do 20 de xaneiro, e demais disposicións legais autonómicas pertinentes,
RESOLVO:
Nomear os rexistradores comprendidos na citada resolución, e que no anexo se relacionan, para prover os rexistros vacantes radicados no territorio da Comunidade Autónoma de Galicia.
Santiago de Compostela, 8 de febreiro de 2012.
Alfonso Rueda Valenzuela
Conselleiro de Presidencia, Administracións Públicas e Xustiza
ANEXO
• María Rosa Rebollo González, rexistradora de Toledo n.º 1 para o Rexistro Mercantil e de Bens Mobles da Coruña.
• Manuel Pérez Fernández, rexistrador de Las Palmas de Gran Canaria n.º 2 para o Rexistro n.º 1 de Santiago de Compostela.