1. Entidade adxudicadora:
a) Organismo: entidade pública Portos de Galicia.
b) Dependencia que tramita o expediente: Área de Explotación e Planificación.
2. Obxecto do contrato:
a) Descrición do proxecto: o obxecto do procedemento aberto é a selección de dez ofertas para o outorgamento de autorizacións que habiliten para prestar servizos sobre a pasaxe no porto do Grove.
b) Lugar da autorización: porto do Grove. Concello do Grove (Pontevedra).
c) Prazo da autorización: un (1) ano prorrogable por períodos sucesivos dun ano ata un máximo de sete (7) anos.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
c) Forma: oferta máis vantaxosa tendo en conta os criterios que figuran na cláusula 3.6.1. Apertura das ofertas do prego de bases do concurso, do capítulo II.
4. Taxa de explotación: a especificada no prego de bases e no prego xeral regulador do servizo que se inclúe no expediente como anexo I.
5. Obtención de documentación e información:
a) Entidade: entidade pública Portos de Galicia.
b) Domicilio: praza de Europa, 5A-6.º, polígono das Fontiñas (Área Central).
c) Localidade e código postal: Santiago de Compostela 15707.
d) Teléfono: 981 95 75 51.
e) Fax: 981 54 53 24.
f) Data límite de obtención de documentos e información: coincide coa data límite de presentación de ofertas.
g) Perfil do contratante: os pregos administrativos desta convocatoria poderanse obter no seguinte enderezo da internet:
http://www.contratosdegalicia.es/resultado.jsp?N=17204
6. Requisitos específicos do solicitante: os especificados no prego de bases.
7. Presentación de ofertas e das solicitudes de participación:
a) Data límite de presentación: o prazo de presentación de proposicións será de 52 días naturais contados a partir do día seguinte ao da publicación deste anuncio no Diario Oficial de Galicia, e rematará ás catorce horas do derradeiro día. No caso de que o mencionado día coincida en sábado ou festivo, o prazo de admisión das proposicións rematará ás catorce (14.00) horas do día hábil seguinte.
b) Documentación que hai que presentar: as proposicións presentaranse en dous (2) sobres pechados, segundo se especifica no punto 3.5 do capítulo II do prego de bases.
c) Lugar de presentación:
Entidade: entidade pública Portos de Galicia.
Domicilio: praza de Europa, 5A-6.º, polígono das Fontiñas (Área Central).
Localidade e código postal: Santiago de Compostela 15707.
d) Prazo durante o que o licitador está obrigado a manter a súa oferta: dous (2) meses desde a apertura das proposicións.
8. Apertura das ofertas:
a) Entidade: entidade pública Portos de Galicia.
b) Domicilio: praza de Europa, 10-4.º, polígono das Fontiñas (Área Central).
c) Localidade e código postal: Santiago de Compostela 15707.
d) Data: a apertura pública das ofertas (sobre 2) levarase a cabo nun prazo non superior a sete días contados desde a apertura da documentación administrativa do sobre 1.
e) Hora: 12.00 horas.
9. Outras informacións: a mesa de contratación comprobará en acto previo a documentación do sobre 1 e publicará no perfil do contratante e no taboleiro de anuncios dos servizos centrais de Portos de Galicia o resultado da apertura, para que, logo de comunicación aos interesados, se emenden, se fose o caso e dentro do prazo que se indique, os defectos materiais observados na dita documentación.
10. Gastos dos anuncios: este anuncio será por conta do adxudicatario.
Santiago de Compostela, 15 de febreiro de 2012.
José Juan Durán Hermida
Presidente de Portos de Galicia