De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que a continuación se relaciona a solicitude de presentación da documentación relativa ao recurso interposto contra a resolución do expediente sancionador instruído por infracción da normativa reguladora dos transportes terrestres, por resultar descoñecido o seu destinatario ou ben porque intentada a notificación non se puido efectuar.

Como queira que no escrito de interposición do recurso non queda suficientemente acreditada a documentación necesaria, é polo que se require, a teor do disposto no artigo 112 da Lei 30/1992, do 26 de novembro, de réxime xurídico das administracións públicas e do procedemento administrativo común, para que presente orixinal ou copia auténtica do certificado da Seguridade Social acreditativo do número de traballadores da empresa no mes de maio de 2005.

Deberá presentar a dita documentación nun prazo non inferior a dez días nin superior a quince contados desde o seguinte ao da publicación desta cédula.

Comunícaselle que, en aplicación do establecido no artigo 42.5.a) da Lei 30/1992, suspéndese o prazo máximo de resolución do procedemento, polo tempo que transcorra entre a publicación desta cédula e o seu efectivo cumprimento polo destinatario, ou, no seu defecto, o transcurso do prazo antes concedido.

E para que conste e lle sirva de notificación á interesada, asino e selo esta cédula.

Santiago de Compostela, 7 de febreiro de 2012.

José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas

ANEXO