Manuel Candal Rodríguez, actuando en nome de Manuel Candal, S.L. solicitoulle a esta alcaldía unha licenza para un proxecto denominado proxecto de instalación de garaxe comunitario nun edificio de vivendas localizado na avenida de Galicia número 19-21 (Cerceda) (clave: MAS/05 2012).

Xa que esta solicitude cumpre o disposto no Decreto 133/2008, do 12 de xuño, de avaliación da incidencia ambiental, sométese esta a información pública durante un prazo de 20 días co fin de que as persoas que dalgún xeito se consideraren afectadas pola actividade que se pretende instalar a poidan examinar na Área de Medio Ambiente e Sanidade deste concello e formular por escrito as reclamacións ou observacións que se consideren oportunas.

Este prazo de 20 días comezará a contar a partir do día seguinte a que se publique este edicto no Boletín Oficial da provincia da Coruña e no Diario Oficial de Galicia.

Cerceda, 31 de xaneiro de 2012.

José García Liñares
Alcalde