En execución da Sentenza do 10 de decembro de 2010, ditada polo Xulgado do Contencioso-Administrativo número 2 da Coruña no procedemento abreviado 321/2010, e mediante a Orde do 17 de novembro de 2011, a Consellería de Facenda elevou a definitiva a proposta do tribunal da aspirante que, en cumprimento da sentenza que se executa, supera o dito proceso selectivo.

Unha vez acreditado o cumprimento dos requisitos exixidos na convocatoria por parte da aspirante, co obxecto de adxudicarlle destino definitivo, esta consellería

DISPÓN:

Convocar a aspirante que superou o proceso selectivo para o acceso á categoría 004, titulado/a superior do grupo I do persoal laboral fixo da Xunta de Galicia, en virtude da sentenza que se executa, ao acto de elección de destino definitivo que terá lugar no salón de actos núm. 2 (pequeno) da Consellería de Presidencia, Administracións Públicas e Xustiza, o día 29 de febreiro de 2012, ás 10.30 horas.

A aspirante convocada poderá elixir entre os postos que se relacionan no anexo, sempre que reúna as condicións exixidas nel.

No caso de solicitar excedencia voluntaria por incompatibilidade, deberase presentar ao chamamento cun certificado do responsable da unidade de persoal en que conste que a interesada presta servizos na actualidade na Administración, ou ben coa documentación que o acredite.

A aspirante deberá ir provista de DNI ou outro documento que acredite fidedignamente a súa identidade; no caso de non comparecer persoalmente, poderá ser representada por terceiras persoas con poder notarial suficiente.

Se a aspirante non comparece persoalmente ou por medio de representante, seralle adxudicada en destino definitivo a praza que lle corresponda atendendo á orde de publicación destas.

O modelo de contrato poderá consultarse na páxina web da Xunta de Galicia (www.xunta.es), a través dos enlaces de «Función Pública autonómica», «Emprego público», «Procesos selectivos».

Contra esta orde, que pon fin á vía administrativa, poderase interpor, con carácter potestativo, recurso de reposición ante a conselleira de Facenda no prazo dun mes contado desde o día seguinte ao da súa publicación no Diario Oficial de Galicia, ou directamente recurso contencioso-administrativo no prazo de dous meses contados desde a mesma data ante o Xulgado do Contencioso-Administrativo de Santiago de Compostela, de acordo cos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 14 de febreiro de 2012.

Elena Muñoz Fonteriz
Conselleira de Facenda

ANEXO