Anúnciase a apertura dunha convocatoria pública para a presentación de solicitudes de autorizacións de atracada nos pantaláns para embarcacións menores deportivas do porto de Cambados, con carácter indefinido ata que sexa revogado por novo acordo, e contado a partir do día seguinte ao da publicación deste anuncio no Diario Oficial de Galicia, que se rexerá polo prego de bases e de condicións aprobado para os efectos, o cal se atopará á disposición dos interesados nas oficinas da Zona Sur de Portos de Galicia, sitas na r/ Benito Corbal, 37-3.º, 36001 Pontevedra, e na páxina web de Portos de Galicia, www.portosdegalicia.com

Ábrese, así mesmo, un prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, para que as persoas e entidades interesadas poidan presentar por escrito nas oficinas mencionadas anteriormente as alegacións que consideren oportunas relativas a esta convocatoria.

Pontevedra, 30 de xaneiro de 2012.

Mateo Ruibal Fernández
Enxeñeiro xefe da Zona Sur de Portos de Galicia