No Xulgado do Contencioso-Administrativo número 2 de Santiago de Compostela tramítase o recurso 198/2011 (procedemento abreviado), interposto por Leonardo Pérez Souto contra a Resolución da xerente do Servizo Galego de Saúde do 24 de xaneiro de 2011 que anula todas as actuacións do recorrente, excluíndoo definitivamente do concurso-oposición convocado por Resolución do 18 de febreiro de 2009, da Secretaría Xeral do Servizo Galego de Saúde, nas categorías de grupo auxiliar da función administrativa e de persoal de servizos xerais; así como contra a Resolución do 4 de febreiro de 2011, da Dirección de Recursos Humanos, pola que se fan públicos os acordos dos tribunais que xulgan o proceso selectivo para o ingreso en determinadas categorías de persoal estatutario do Servizo Galego de Saúde, relativo á baremación definitiva da fase de concurso e á presentación da documentación dos definitivamente seleccionados/as.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 6 de febreiro de 2012.

Esperanza Fernández Lago
Directora de Recursos Humanos