Adoptado acordo polo Consello da Xunta de Galicia, en sesión do día 15 de decembro de 2011, relativo á aprobación definitiva dun proxecto sectorial de incidencia supramunicipal, resulta necesario dar publicidade ao mencionado acordo, unha vez cumpridos os requisitos que se determinan no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal,

RESOLVO:

1. Facer público o acordo do Consello da Xunta de Galicia, adoptado en reunión do 15 de decembro de 2011, que a continuación se transcribe:

«Aprobar o proxecto sectorial de incidencia supramunicipal Proxecto sectorial de modernización de salas de procesado de peixe e I+D+I en Lira-Carnota (A Coruña). Xaneiro de 2011, promovido por Stolt Sea Farm, S.A., para os efectos previstos na Lei 10/1995, do 23 de novembro, de ordenación do territorio de Galicia».

2. Este proxecto sectorial entrará en vigor o día seguinte ao da publicación desta resolución no Diario Oficial de Galicia, de conformidade co previsto no artigo 13.5 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal.

Santiago de Compostela, 10 de xaneiro de 2012.

Juan Carlos Maneiro Cadillo
Secretario xeral do Mar