Mediante Resolución do 26 de xullo de 2004, da Consellería de Innovación, Industria e Comercio, publicouse a relación de solicitudes de autorización para a instalación de parques eólicos singulares admitidas a trámite ao abeiro da Orde do 22 de xaneiro de 2004 e da súa modificación do 20 de abril de 2004. Na dita resolución inclúese o parque eólico singular do Incio cunha potencia de 2 MW.
En cumprimento do disposto na Lei 54/1997, do 27 de novembro, do sector eléctrico, no título VII do Real decreto 1955/2000, no artigo 25 da Lei 10/1995, de ordenación do territorio de Galicia, Decreto 80/2000, do 23 de marzo, polo que se regulan os plans e os proxectos sectoriais de incidencia supramunicipal e Decreto 302/2001, modificado polo Decreto 513/2005, do 22 de setembro, polo que se regula o aproveitamento da enerxía eólica na Comunidade Autónoma de Galicia, sométese a información pública a solicitude do Concello do Incio das instalacións que a continuación se describen:
Obxecto da información pública:
Autorización administrativa e aprobación do proxecto de execución e do proxecto sectorial das instalacións que comprende o proxecto parque eólico singular do Incio.
Peticionario: Concello do Incio. Praza de España n.º 1, 27346 O Incio (Lugo).
Situación: termos municipais de Sarria e O Incio (Lugo).
– Situación (coordenadas poligonais en unidades UTM):
UTM-X UTM-Y
(622174.00, 4729663.00)
(622237.00, 4729711.00)
(622330.00, 4729697.00)
(622538.00, 4729462.00)
(622403.00, 4729376.00)
– Situación do aeroxerador (coordenadas en unidades UTM):
UTM-X UTM-Y
A1 (622368.00, 4729558.00)
Características técnicas do parque eólico singular:
Número de aeroxeradores: 1.
Tipo de aeroxerador: Enercon E-82.
Potencia nominal unitaria: 2.000 kW.
Diámetro do rotor: 82 m.
Número de pas: 3.
Altura de torre: 77 m.
Potencia total instalada: 2 MW.
Produción neta anual estimada: 5.001 MWh/ano.
Orzamento total: 2.155.608,52 €.
Características técnicas da infraestrutura eléctrica de xeración, transformación e interconexión:
– 1 aeroxerador tipo Enercon E-82 de 2.000 kW de potencia nominal unitaria.
– 1 centro de transformación de 2.000 kVA de potencia nominal unitaria e relación de transformación 1/20 kV, Dyn11, instalado no interior da torre do aeroxerador, coa súa correspondente aparellaxe de seccionamento, manobra e protección.
– Centro de control e medida, en edificio prefabricado de formigón, con celas de 20 kV e instalacións auxiliares.
– Liña eléctrica de interconexión a 20 kV de tensión nominal para a evacuación da enerxía que se xere, cun tramo subterráneo en condutor R.H.Z.1 15/25 150 mm2 Al, e un tramo aéreo cunha lonxitude aproximada de 206 metros, en condutor LA-110 sobre apoios normalizados de celosía tipo C e de formigón HV, para conexión do parque eólico singular do Incio á rede xeral de distribución pública.
O que se fai público para coñecemento xeral co fin de que calquera interesado poida examinar o proxecto e presentar as obxeccións ou alegacións que consideren oportunas a este, neste departamento territorial sito no edificio administrativo, rolda da Muralla 70, (Lugo 27071), no prazo de 30 días hábiles, contados a partir da última publicación deste anuncio.
Así mesmo, o proxecto sectorial de incidencia supramunicipal será remitido aos concellos de Sarria e O Incio e poderá ser examinado nos ditos concellos e nas dependencias do Departamento Territorial da Consellería de Economía e Industria en Lugo.
Lugo, 5 de maio de 2010.
José Manuel Vázquez Leirado
Xefe territorial de Lugo