Visto o expediente para outorgamento de autorización administrativa e aprobación do proxecto de execución das instalacións eléctricas que a seguir se cita:
Solicitante: BEGASA.
Domicilio social: r/ Cidade de Viveiro, 4, 1.º, 27002 Lugo.
Denominación: adecuación do C.T.C. 07707 instituto e R.B.T.S. para subministración eléctrica na r/ Camiño Real, 48-50.
Situación: concello de Burela.
Características técnicas:
• Adecuación do C.T. existente C.T.C. 07707 Instituto, consistente no cambio de transformador actual por un de 630 kVA, substitución do fusible de protección correspondente á cela de M.T. e ampliación do cadro de baixa tensión, para satisfacer a demanda enerxética da nova suministración.
• Desmontaxe da rede de baixa tensión existente a tensión trifásica de 400 V e monofásica de 230V.
• R.B.T.S. proxectada con orixe no C.T. existente C.T.C. 07707 Instituto e final nas CXP das novas suministracións, en condutor tipo R.V.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licencias ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 18 de xaneiro de 2012.
José Manuel Vázquez Leirado
Xefe territorial de Lugo
