O Consello Asesor do Sistema Público de Saúde de Galicia é un órgano non colexiado superior de consulta e asesoramento da Consellería de Sanidade directamente dependente da/o titular desta.
A Orde do 25 de maio de 2005 pola que se regula a composición, organización e funcionamento do Consello Asesor do Sistema Público de Saúde de Galicia, modificada pola Orde do 6 de outubro de 2011, establece que a conselleira de Sanidade poderá dispor a libre remoción e substitución dos membros do Consello.
En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e da súa Presidencia, modificada pola Lei 11/1988, do 20 de outubro, e a Orde do 25 de maio de 2005, modificada pola Orde do 6 de outubro de 2011,
DISPOÑO:
Artigo único.
O cesamento como vogal do Consello Asesor do Sistema Público de Saúde de Galicia de Federico Martinón Sánchez, agradecéndolle os servizos prestados.
Santiago de Compostela, 2 de febreiro de 2012.
Rocío Mosquera Álvarez
Conselleira de Sanidade