O 13 de xaneiro de 2012 publicouse no Diario Oficial de Galicia o Decreto 32/2012, do 12 de xaneiro, polo que se aproba o Estatuto da entidade pública empresarial Augas de Galicia, ente instrumental da Administración xeral da Comunidade Autónoma de Galicia responsable no ámbito das competencias que lle corresponden en materia de augas.
A constitución da entidade pública empresarial Augas de Galicia producirase coa celebración da sesión constitutiva do seu Consello Reitor, que terá lugar no prazo de tres meses desde a entrada en vigor do citado decreto.
A composición do Consello Reitor fíxase no artigo 7 do estatuto da entidade pública empresarial Augas de Galicia, indicando que é o órgano colexiado de goberno de Augas de Galicia integrado pola Presidencia, que lle corresponde a quen desempeñe a de Augas de Galicia, e a Vicepresidencia que corresponde a quen desempeñe a dirección da entidade. Ademais, formarán parte del os seguintes vogais:
a) Once representantes da Administración xeral da Comunidade Autónoma de Galicia, propostos polas consellerías seguintes:
Cinco serán propostos pola consellería competente en materia de augas.
Un será proposto polas consellerías competentes en materia de administracións públicas, facenda, industria, sanidade, desenvolvemento rural e pesca.
b) Tres vogais representantes das entidades locais propostos pola Federación Galega de Municipios e Provincias, dos cales un deberá ser, chegado o caso da súa creación, proposto polas áreas metropolitanas que se creen.
c) Oito vogais representantes dos usuarios: dous polos usos domésticos da auga, correspondendo a proposta dun deles ás entidades subministradoras e doutro ás comunidades de usuarios e autoabastecemento, dous polos usuarios agrícolas e gandeiros, dous polos usos industriais e dous en representación dos aproveitamentos hidroeléctricos.
d) Un vogal en representación das asociacións non gobernamentais de carácter ambiental máis representativas de Galicia.
e) Un/unha representante da Administración xeral do Estado.
Unha vez elixidos os representantes dos sectores hidroeléctrico e ambiental coa participación dos interesados convocados para o efecto e, nos demais casos recibidas as propostas, conforme o artigo 7.4 do Estatuto da entidade pública empresarial Augas de Galicia, cómpre facer o seu nomeamento, que, para xeral coñecemento, se publicará no Diario Oficial de Galicia.
Por todo isto, en virtude do establecido no artigo 7.5 do citado estatuto e das atribucións que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Nomear vogais do Consello Reitor da entidade pública empresarial Augas de Galicia as persoas titulares dos postos que se indican:
a) Once representantes da Administración xeral da Comunidade Autónoma de Galicia, propostos por cada unha das consellerías competentes nas seguintes materias:
i. Cinco pola consellería competente en materia de augas:
– Titular: a persoa titular da Secretaría Xeral de Calidade e Avaliación Ambiental.
– Suplente: a persoa titular da Subdirección Xeral de Avaliación Ambiental.
– Titular: a persoa titular da Dirección da Axencia Galega de Infraestruturas.
– Suplente: a persoa titular da Xefatura de Área de Obras da Axencia Galega de Infraestruturas.
– Titular: a persoa titular da Dirección Xeral de Conservación da Natureza.
– Suplente: a persoa titular da Subdirección Xeral de Recursos Cinexéticos e Piscícolas.
– Titular: a persoa titular da Secretaría Xeral de Ordenación do Territorio e Urbanismo.
– Suplente: a persoa titular da Subdirección Xeral de Urbanismo.
– Titular: a persoa titular da Subdirección Xeral de Programación e Proxectos de Augas de Galicia.
– Suplente: a persoa titular da Xefatura do Servizo de Planificación e Programación Hidrolóxica de Augas de Galicia.
ii. Un pola consellería competente en materia de administracións públicas:
– Titular: a persoa titular da Dirección Xeral de Emerxencias e Interior.
– Suplente: a persoa titular da Subdirección Xeral de Planificación e Protección Civil.
iii. Un pola consellería competente en materia de facenda:
– Titular: a persoa titular da Subdirección Xeral de Programación Financeira do Sector Público Autonómico e de Seguimentos de Políticas de Gasto.
– Suplente: a persoa titular do Servizo de Seguimento de Políticas de Gasto.
iv. Un pola consellería competente en materia de industria:
– Titular: a persoa titular da Subdirección Xeral de Enerxía.
– Suplente: a persoa titular do Servizo de Enerxías Renovables e Eficiencia Enerxética.
v. Un pola consellería competente en materia de sanidade:
– Titular: a persoa titular da Dirección Xeral de Innovación e Xestión de Saúde Pública.
– Suplente: a persoa titular da Subdirección Xeral de Programas de Control de Riscos Ambientais para a Saúde.
vi. Un pola consellería competente en materia de desenvolvemento rural:
– Titular: a persoa titular da Dirección Xeral de Desenvolvemento Rural.
– Suplente: a persoa titular da Subdirección Xeral de Infraestruturas Agrarias.
vii. Un pola consellería competente en materia de pesca:
– Titular: a persoa titular da Dirección do Instituto Tecnolóxico para o Control do Medio Mariño de Galicia (Intecmar).
– Suplente: a persoa titular da Subdirección do Instituto Tecnolóxico para o Control do Medio Mariño de Galicia (Intecmar).
b) Tres vogais representantes das entidades locais:
– Titular: a persoa titular da Alcaldía de Malpica.
– Suplente: a persoa titular da Alcaldía de Santa Comba.
– Titular: a persoa titular da Alcaldía do Barco de Valdeorras.
– Suplente: a persoa titular da Alcaldía de Silleda.
– Titular: a persoa titular da Alcaldía de Carballo.
– Suplente: a persoa titular da Alcaldía de Salceda de Caselas.
c) Oito vogais representantes dos usuarios:
i. Dous representantes dos usos domésticos da auga:
– Titular: a persoa titular da Presidencia da Asociación de Traída de Augas de Galicia (Coxapo).
– Suplente: a persoa titular da Secretaría da Asociación de Traída de Augas de Galicia (Coxapo).
– Titular: a persoa titular da delegación de Gestagua en Galicia.
– Suplente: a persoa titular da Xefatura de Explotación Culleredo-Gestagua.
ii. Dous representantes polos usuarios agrícolas e gandeiros:
– Titular: a persoa titular da secretaría xeral da asociación profesional Xóvenes Agricultores (Asaja).
– Suplentes: a persoa titular da secretaría xeral técnica da asociación profesional Xóvenes Agricultores (Asaja).
– Titular: a persoa titular da Secretaría de Desenvolvemento Rural e Producións Forestais da asociación profesional Unións Agrarias UPA (UUAA-UPA).
– Suplente: técnico de gabinete da asociación profesional Unións Agrarias UPA (UUAA-UPA).
iii. Dous polos usos industriais:
– Titular: a persoa designada representante o 23.1.2012 pola Confederación de Empresarios de Galicia (CEG).
– Suplente: a persoa designada representante o 23.1.2012 pola Confederación de Empresarios de Galicia (CEG).
– Titular: a persoa designada representante o 23.1.2012 pola Confederación de Empresarios de Galicia (CEG).
– Suplente: a persoa designada representante o 23.1.2012 pola Confederación de Empresarios de Galicia (CEG).
iv. Dous en representación dos aproveitamentos hidroeléctricos:
– Titular: a persoa titular da Dirección Xeral de Ferroatlántica, S.L.
– Suplente: a persoa titular da Dirección UPH Noroeste de Endesa Generación, S.A.
– Titular: a persoa titular da Dirección-Xerencia de Energía de Galicia, S.A (Engasa).
– Suplente: a persoa titular da Presidencia de Norvento Hidráulica, S.A.
d) Un en representación das asociacións non gobernamentais de carácter ambiental máis representativas de Galicia:
– Titular: a persoa titular da presidencia da Asociación para a Defensa Ecolóxica de Galiza (Adega).
– Suplente: a persoa titular da Presidencia da Sociedade Galega de Historia Natural.
e) Un representante da Administración xeral do Estado:
– Titular: a persoa titular da Presidencia da Confederación Hidrográfica Miño-Sil.
– Suplente: a persoa titular da dirección técnica da Confederación Hidrográfica Miño-Sil.
Santiago de Compostela, 24 de xaneiro de 2012.
Agustín Hernández Fernández de Rojas
Conselleiro de Medio Ambiente, Territorio e Infraestruturas
