A Resolución do 24 de marzo de 2011, da Secretaría Xeral de Modernización e Innovación Tecnolóxica, pola que se establecen as bases reguladoras para a concesión, en réxime de concorrencia competitiva, das subvencións destinadas a entidades sen ánimo de lucro, para actuacións de difusión relacionadas co desenvolvemento da sociedade da información na Comunidade Autónoma de Galicia, cofinanciadas polo Fondo Europeo de Desenvolvemento Rexional (Feder), no marco do Programa operativo Feder Galicia 2007-2013 e se procede á súa convocatoria para 2011 (procedemento administrativo PR521A, DOG n.º 64, do 31 de marzo), faculta, na disposición derradeira primeira, o titular da Subdirección Xeral de Desenvolvemento da Sociedade da Información para que dite as instrucións que sexan precisas para o desenvolvemento e aplicación da convocatoria.
A Secretaría Xeral de Modernización e Innovación Tecnolóxica ditou resolución de concesión de subvencións ao abeiro da citada convocatoria, o que foi notificado aos beneficiarios. Superada a data límite de presentación da documentación xustificativa da subvención establecida no artigo 18 das bases reguladoras da convocatoria, modificada pola Resolución do 16 de setembro de 2011 (DOG n.º 187, do 29 de setembro), o órgano instrutor revisou as xustificacións presentadas e identificou expedientes que non reúnen algún dos requisitos exixidos.
O artigo 8 das bases reguladoras dispón: «Por tratarse dun procedemento de concorrencia competitiva, e de conformidade co establecido nos artigos 59.6.b), 60 e 61 da Lei 30/1992, os requirimentos citados de emenda realizaranse preferentemente mediante publicación no DOG, e producirán os mesmos efectos que a notificación individualizada. A dita publicación tamén se realizará no taboleiro electrónico de anuncios da páxina web da Secretaría Xeral de Modernización e Innovación Tecnolóxica, ao cal se remitirá desde o texto publicado no DOG. Poderase facer indicación de que os seguintes actos administrativos deste procedemento serán notificados a través do citado taboleiro».
Adicionalmente, o artigo 46 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, establece: «Cando o órgano administrativo competente para a comprobación da subvención aprecie a existencia de defectos emendables na xustificación presentada polo beneficiario, porao no seu coñecemento e concederalle un prazo de dez días para a súa corrección».
Na súa virtude,
ACORDO:
1. Ordenar a publicación no Diario Oficial de Galicia dunha relación de expedientes do procedemento administrativo PR521A que están suxeitos a emenda ou achega de documentación xustificativa, segundo o establecido no artigo 46 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia. Esta relación achégase como anexo a este anuncio.
2. Identificar o taboleiro electrónico e o taboleiro presencial que se describen neste anuncio como os medios e lugares a onde se remiten os interesados para que obteñan información particularizada dos feitos aquí recollidos, coa indicación de que será onde se publicarán os sucesivos actos integrantes deste procedemento administrativo.
3. Facer indicación expresa a todos os interesados recollidos no anexo de que se requiren para que no prazo de dez días hábiles, contados a partir do día seguinte ao da publicación deste anuncio no DOG, emenden a falta ou acheguen os documentos preceptivos conforme o recollido no taboleiro electrónico citado. De non o facer, resolverase o expediente coa documentación dispoñible.
De conformidade coas bases reguladoras, no caso de requirirse certificados acreditativos da inexistencia de débedas coas distintas administracións públicas, logo de que a consulta polo órgano xestor non obtivese resultado favorable, a data de expedición dos certificados pola Administración correspondente deberá ser posterior á data de consulta efectuada polo órgano xestor, o que se indicará na información particularizada para cada interesado. No caso de que por razóns alleas ao solicitante non se poidan obter os devanditos certificados dentro do prazo de emenda concedido, os solicitantes deben achegar inescusablemente o orixinal ou copia compulsada do xustificante da solicitude en prazo do devandito certificado, achegando o certificado orixinal en canto lle sexa entregado pola Administración correspondente.
4. Identificar que o acceso aos contidos do devandito taboleiro electrónico pode facerse por tres canles electrónicas distintas. Para empregar calquera das tres canles o interesado deberá dispoñer da primeira folla dos formularios de solicitude, ben en formato papel ou ben en arquivo PDF, que se xerou no seu momento coa aplicación de formalización de formularios de subvención.
4.1. Acceso pola web www.xunta.es, empregando un código electrónico.
O interesado debe acceder á páxina web da Secretaría Xeral de Modernización e Innovación Tecnolóxica, sita no enderezo http://imit.xunta.es, e seleccionar a opción Axudas, en que se amosa o servizo do taboleiro electrónico. Para o acceso ao contido do taboleiro electrónico deberá introducir, tecleando, o código electrónico (de entre 16 a 20 caracteres alfanuméricos) existente na parte superior dereita da primeira folla da súa solicitude, o que garante a privacidade no acceso á información de cada solicitante. O enlace dereito a este servizo é o seguinte:
http://imit.xunta.es/portal/sectorempresarialdasociedadedainformacion/axudas/
4.2. Acceso nun clic desde o arquivo PDF da solicitude.
O interesado debe abrir o arquivo PDF da solicitude cun visor Acrobat Reader. Na parte inferior dereita da primeira folla dispón dunha figura con cadrados brancos e negros, un código QR. Premendo dentro da figura do código QR activará un enlace personalizado co que accede directamente á información.
4.3. Acceso a través dun dispositivo móbil, coa fotografía do código QR.
O interesado debe fotografar o código QR da solicitude e dispoñer no seu dispositivo móbil dun software de recoñecemento e acceso á internet, que lle permita enlazar coa URL que está codificada na matriz bidimensional do código QR.
Disponse de información explicativa adicional sobre o uso das canles electrónicas citadas no seguinte enlace:
http://imit.xunta.es/portal/sectorempresarialdasociedadedainformacion/axudas/pregunta4.html
Para a presentación da documentación poden seguir as instrucións de xustificación dispoñibles no taboleiro electrónico.
5. En caso de dúbida, dificultades técnicas ou necesidade de máis información poderán dirixirse á Subdirección Xeral de Desenvolvemento da Sociedade da Información a través do teléfono 981 54 55 83, do enderezo de correo electrónico sxmit.axudas@xunta.es, ou presencialmente no edificio administrativo de San Caetano, bloque, 5-4.º andar, en Santiago de Compostela (A Coruña). Nesta subdirección xeral tamén se disporá dun taboleiro presencial onde poderá accederse en formato papel á información particularizada para cada un dos expedientes recollidos no dito anexo, o que garante a igualdade no proceso de notificación para todos os solicitantes nun procedemento de concorrencia competitiva.
Santiago de Compostela, 17 de xaneiro de 2012.
P.A.
José Luis Somoza Digón
Xefe do Servizo de Xestión da Sociedade da Información
Anexo
Expedientes suxeitos a emenda de documentación
xustificativa do procedemento PR521A
Composto polos 72 expedientes seguintes:
|
Entidade |
NIF |
Núm. expediente PR521A-2011- |
|
Arela Iniciativas de Apoio á Infancia e á Mocidade |
G36846152 |
15921 |
|
Asociación Agraria Jóvenes Agricultores de Galicia |
G15557143 |
16391 |
|
Asociación Amicos |
G15747678 |
16242 |
|
Asociación Área Empresarial do Tambre |
G15037112 |
16295 |
|
Asociación Asistencial Galega de Servizos á Dependencia |
G70221304 |
16011 |
|
Asociación Comarcal de Educación Especial Santísimo Cristo del Amor |
G36021970 |
16212 |
|
Asociación de Atención á Parálise Cerebral e Afíns Amencer |
G36153757 |
16096 |
|
Asociación de Dano Cerebral da Coruña |
G15780166 |
15919 |
|
Asociación de Dano Cerebral de Compostela Sarela |
G15775604 |
15775 |
|
Asociación de Dano Cerebral de Vigo |
G36873511 |
15790 |
|
Asociación de Desenvolvemento Rural As Mariñas-Betanzos |
G70180807 |
16534 |
|
Asociación de Empresarias da Provincia de Ourense |
G32104663 |
16440 |
|
Asociación de Empresarios do Val Miñor |
G36772903 |
16187 |
|
Asociación de Empresas Galegas Dedicadas á Internet e ás Novas Tecnoloxías |
G15748759 |
16524 |
|
Asociación de Empresas Galegas de Software Libre |
G70128194 |
16114 |
|
Asociación de Escritores en Lingua Galega |
G15039936 |
16121 |
|
Asociación de Familiares de Enfermos de Alzheimer |
G15538838 |
15850 |
|
Asociación de Familiares de Persoas con Parálise Cerebral |
G36624120 |
16414 |
|
Asociación de Mulleres e Familias do Ámbito Rural Galego |
G15592801 |
16163 |
|
Asociación de Pais de Persoas con Trastorno Especial Autista |
G15048937 |
16061 |
|
Asociación de Técnicos Ortopédicos de Galicia |
G36830560 |
16523 |
|
Asociación Empresarial de Valdeorras |
G32114423 |
16054 |
|
Asociación Galega de Autónomas e Emprendedores |
G94035672 |
16090 |
|
Asociación Galega de Editores |
G15130594 |
16231 |
|
Asociación Grupos de Desenvolvemento Rural de Galicia |
G70170808 |
16506 |
|
Asociación Íntegro para a Diversidade Funcional |
G15173263 |
16258 |
|
Asociación la Esperanza del Valle Miñor |
G36630572 |
16303 |
|
Asociación Lucense de Axuda a Enfermos Mentais |
G27198977 |
15858 |
|
Asociación O Son do Pobo |
G94017704 |
16492 |
|
Asociación para el Fomento de la Riqueza Forestal de Galicia |
G36028603 |
16380 |
|
Asociación para el Proyecto Foltra |
G70084538 |
16421 |
|
Asociación para o Desenvolvemento Social da Comarca do Deza |
G36527745 |
16181 |
|
Asociación para o Fomento da Formación e o Desenvolvemento Rural de Galicia |
G70214705 |
16358 |
|
Asociación para o Fomento da Formación e o Desenvolvemento Rural de Galicia |
G70214705 |
16511 |
|
Asociación Profesional de Empresas Medioambientales de Galicia |
G36820280 |
16482 |
|
Asociación Profesional de Selvicultores de Galicia (Silvanus) |
G15490006 |
16406 |
|
Asociación Provincial de Empresarios de Restauración y Hospedaje de Santiago |
G15063613 |
16166 |
|
Asociación Provincial Empresarios Hostelería Lugo |
G27021005 |
16439 |
|
Asociación Xarela Formación-Animación |
G32261307 |
16480 |
|
Asociación Xaruma |
G27746486 |
16288 |
|
Bioga. Clúster Tecnológico Empresarial de las Ciencias |
G70259312 |
16257 |
|
Cáritas Diocesana de Ourense |
R3200098F |
15867 |
|
Centro Cultural Artístico e Recreativo de Valladares |
G36617082 |
16456 |
|
Centro Veciñal e Cultural de Valladares |
G36805158 |
16452 |
|
CIMO Entidade Prestadora de Servizos |
G32010449 |
16027 |
|
Clúster do Produto Gráfico e do Libro Galego |
G70115282 |
16028 |
|
Colexio Oficial de Traballo Social de Galicia |
Q1569016G |
16318 |
|
Confederación de Empresarios de Pontevedra |
G36615219 |
15793 |
|
Confederación Galega de Persoas con Discapacidade |
G32115941 |
15782 |
|
Cruz Vermella Española-Galicia |
Q2866001G |
16401 |
|
Federación a Favor de la Personas con Discapacidad Intelectual de Galicia |
G36620037 |
16196 |
|
Federación Asociación de Persoas con Enfermidade Mental de Galicia |
G15545353 |
16102 |
|
Federación de Asociacións de Mulleres Vilagarcía |
G36558104 |
16466 |
|
Federación de Asociacións de Persoas Discapacitadas de Pontevedra (Cogami-Pontevedra) |
G36704195 |
16143 |
|
Federación de Empresarios Costa da Morte |
G15511066 |
16473 |
|
Federación EFA Galicia |
G15299357 |
15739 |
|
Federación Galega de Asociación de Atención a Persoas con Parálise Cerebral e Patoloxías Afíns |
G36344950 |
16438 |
|
Federación Galega de Confrarías de Pescadores |
V15966856 |
16324 |
|
Federación Galega de Institucións para a Síndrome de Down |
G15665144 |
16413 |
|
Fundación Amigos de Galicia |
G15859911 |
15830 |
|
Fundación Centro de Iniciativas Profesionales |
G15849318 |
16495 |
|
Fundación Coren |
G32246951 |
16310 |
|
Fundación de Estudios e Análises |
G15597669 |
16355 |
|
Fundación Down Compostela |
G70040258 |
15822 |
|
Fundación G-Prodis |
G15969181 |
15882 |
|
Fundación Menela |
G36685964 |
16211 |
|
Fundación para a Defensa dos Consumidores |
G15761042 |
16236 |
|
Fundación para el Desarrollo de la Empleabilidad |
G15859689 |
16371 |
|
Fundación Universidade da Coruña |
G15597289 |
16070 |
|
Fundación Universidade da Coruña |
G15597289 |
16508 |
|
Grupo de Acción Costeira Ría de Pontevedra |
G36593606 |
16347 |
|
Unión de Cooperativas. Asociación Galega de Cooperativas Agrarias |
F15156557 |
16025 |
