De conformidade co disposto nos artigos 59.5.º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de tentadas sen éxito as notificacións persoais a través do servizo de Correos, notifícaselles aos interesados que se sinalan no anexo deste anuncio, os acordos de inicio dos procedementos para declarar a perda do dereito ao cobramento da prima de mantemento do ano 2007 relativa aos expedientes de subvención número 11270216/2005, 11270367/2005, 11270089/2005, 11320265/2005 e 11150001/2005 (Orde do 13 de maio de 2005 pola que se establecen as bases e se convocan para o ano 2005 as axudas para o fomento da forestación de terras agrícolas).
Os interesados poderán comparecer, no prazo de dez días hábiles contados desde o seguinte ao da publicación deste anuncio no Diario Oficial de Galicia, nas dependencias da Dirección Xeral de Montes (Subdirección Xeral de Recursos Forestais), situada en San Lázaro, s/n, 15703 Santiago de Compostela, das 9.00 ás 14.00 horas, de luns a venres, para o coñecemento do contido íntegro do mencionado acordo de inicio e a constancia de tal coñecemento.
Transcorrido o devandito prazo sen efectuarse a comparecencia, a notificación entenderase producida desde o día seguinte á data da súa finalización.
Concédeselles aos interesados un prazo de quince días hábiles, contados a partir do seguinte ao da notificación do acordo de inicio, para que poidan formular alegacións e presentar a documentación que xulguen conveniente aos seus dereitos ante a Consellería do Medio Rural.
Este anuncio remitirase, así mesmo, aos concellos correspondentes ao último enderezo coñecido dos interesados, en aplicación do artigo 59.5.º da Lei 30/1992, co obxecto de que se proceda á súa publicación por medio dun anuncio no seu taboleiro de edictos.
Santiago de Compostela, 12 de decembro de 2011.
Jorge Atán Castro
Secretario xeral técnico da Consellería do Medio Rural
ANEXO
– Expediente: procedemento para declarar a perda do dereito ao cobramento da prima de mantemento do ano 2007 relativa ao expediente de subvención número 11270216/2005.
Interesado: Manuel Bodenlle López.
Acto de notificación: acordo de inicio.
Último enderezo coñecido: Arcillá, s/n, 27377 Cospeito (Lugo).
– Expediente: procedemento para declarar a perda do dereito ao cobramento da prima de mantemento do ano 2007 relativa ao expediente de subvención número 11270367/2005.
Interesada: Lucía Bardelas Valladares.
Acto de notificación: acordo de inicio.
Último enderezo coñecido: A Matanza, 1 (Furco-San Gregorio), 27527 Carballedo (Lugo).
– Expediente: procedemento para declarar a perda do dereito ao cobramento da prima de mantemento do ano 2007 relativa ao expediente de subvención número 11270089/2005.
Interesada: Norte Forestal, S.A.
Acto de notificación: acordo de inicio.
Último enderezo coñecido: avda. Fernández Ladreda, 15-17, 1.º, 36003 Pontevedra.
– Expediente: procedemento para declarar a perda do dereito ao cobramento da prima de mantemento do ano 2007 relativa ao expediente de subvención número 11320265/2005.
Interesada: Orsating, S.L.
Acto de notificación: acordo de inicio.
Último enderezo coñecido: Alejandro Pedrosa, 34, baixo, 32001 Ourense.
– Expediente: procedemento para declarar a perda do dereito ao cobramento da prima de mantemento do ano 2007 relativa ao expediente de subvención número 11150001/2005.
Interesada: M.ª Ángeles Campos Alborés.
Acto de notificación: acordo de inicio.
Último enderezo coñecido: Paseo de Ronda, 28, 2.º B esqda. 15011 A Coruña.
