De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 311/2009, do 28 de maio (DOG núm. 109, do 5 de xuño), polo que se establece a estrutura orgánica dos servizos centrais do Servizo Galego de Saúde, e Orde do 15 de xuño de 2009 (DOG núm. 119, do 19 de xuño), modificada pola Orde de 28 de setembro de 2011, sobre delegación de competencias en órganos centrais e periféricos do Servizo Galego de Saúde,

RESOLVO:

Anunciar a convocatoria para cubrir, polo procedemento regulamentario, o posto de supervisor/a da Unidade de Saúde Mental da estrutura de Xestión Integrada da Área Sanitaria da Coruña.

As bases da citada convocatoria estarán expostas nos taboleiros de anuncios do Hospital A Coruña e na páxina web do Sergas (www.sergas.es).

As solicitudes e a documentación anexa que conteña a xustificación dos requisitos e méritos alegados, deberán presentarse no Rexistro Xeral do Hospital A Coruña, dirixidas ao xerente de Xestión Integrada, no prazo dun mes contado desde o seguinte ao da data da publicación do anuncio da presente convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Os interesados deberán presentar xunto coa soicitude un currículo e xustificar documentalmente os méritos que aleguen.

A Coruña, 29 de novembro de 2011.

Alfredo García Iglesias
Xerente da Xerencia de Xestión Integrada da Área Sanitaria da Coruña