Na sesión que tivo lugar o día 15 de decembro de 2011, o tribunal nomeado pola Orde do 11 de maio de 2011 (DOG número 95, do 18 de maio), para cualificar o proceso selectivo para o ingreso, pola quenda de promoción interna e cambio de categoría, na categoría 31 (legoeiro/a) do grupo IV de persoal laboral fixo da Xunta de Galicia, convocado pola Orde do 27 de decembro de 2010 (DOG número 1, do 3 de xaneiro de 2011), de conformidade co disposto nas bases da convocatoria, adoptou os seguintes acordos:

Primeiro. Facer público, como anexo a esta resolución, o baremo provisional da fase de concurso con indicación da puntuación obtida polos aspirantes en cada epígrafe, de acordo co disposto na base II.3.5 da convocatoria.

Segundo. De acordo co disposto na base II.3.5 da convocatoria, os aspirantes poderán presentar reclamación contra a baremación no prazo de dez días hábiles contados a partir do seguinte ao da publicación desta resolución no Diario Oficial de Galicia. Estas reclamacións irán dirixidas ao tribunal cualificador do proceso selectivo para o ingreso, pola quenda de promoción interna e cambio de categoría, na categoría 31 (legoeiro/a) do grupo IV de persoal laboral fixo da Xunta de Galicia, Dirección Xeral da Función Pública, Consellería de Facenda, en Santiago de Compostela.

Santiago de Compostela, 27 de decembro de 2011.

Marcos Buide Pollán
Presidente do tribunal

ANEXO
Puntuacións provisionais obtidas na fase de concurso do proceso selectivo para o ingreso, pola quenda de promoción interna e cambio de categoría, na categoría 31 (legoeiro/a) do grupo IV de persoal laboral fixo da Xunta de Galicia