Juan Silva González, en representación de Pescasilva, S.L., solicitou neste Concello licenza municipal para adaptación de nave e de actividade para almacén frigorífico de productos conxelados da pesca, nas parcelas n.º 35-36 do parque empresarial de Areas-Tui. En cumprimento do artigo 8.3.º do Decreto 133/2008, do 12 de xuño, polo que se regula a avaliación de incidencia ambiental, sométese a información pública por período de vinte días hábiles, co fin de que durante este prazo, que comezará a contar desde a inserción do presente anuncio no DOG e no BOP, poida examinarse o expediente no departamento de Urbanismo deste Concello, e poidan formular por escrito as alegacións que consideren oportunas todas aquelas persoas que se consideren afectadas pola actividade que se pretende instalar.

Tui, 31 de agosto de 2011.

Moisés Rodríguez Pérez
Alcalde