O Pleno desta corporación, en sesión ordinaria celebrada o día 30 de setembro de 2011, adoptou, entre outros, o seguinte acordo:

«10. Aceptación da ampliación das delegacións de competencias tributarias do Concello de Cedeira en materia de xestión, inspección e recadación da taxa pola utilización privativa ou aproveitamentos especiais constituídos no chan, subsolo o voo das vías públicas.

Aceptar a ampliación das competencias delegadas en materia tributaria acordada polo Concello de Cedeira en relación coa seguinte materia:

Xestión, inspección e recadación voluntaria e executiva da taxa pola utilización privativa ou aproveitamentos especiais constituídos no chan, subsolo ou voo das vías públicas a favor de empresas explotadoras de servizos de subministración de interese xeral. A xestión obxecto de delegación, afectará tanto ao suposto xeral do artigo 24 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo, baseado no 1,5% dos ingresos brutos obtidos no termo municipal, como ao suposto especial de telefonía móbil.

O exercicio das competencias delegadas obxecto de aceptación, levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no Boletín Oficial da provincia conforme o establecido no artigo 7 do texto refundido da Lei reguladora das facendas locais, aprobado por Real decreto lexislativo 2/2004, do 5 de marzo».

O que se fai público para xeneral coñecemento.

A Coruña, 18 de outubro de 2011.

María Padín Fernández José Luis Almau Supervía
O presidente/PDFR 5-8-2011 Secretario da Deputación
A Vicepresidenta 2.ª Provincial de A Coruña