O Pleno desta Corporación, na sesión ordinaria celebrada o 16 de setembro de 2011, adoptou, entre outros, o seguinte acordo:
«25. Aceptar a ampliación das delegacións de competencias tributarias do Concello de Corcubión en materia de recadación, voluntaria e executiva, da taxa pola entrada e saída de vehículos pola beirarrúa.
Aceptar a ampliación das competencias delegadas en materia tributaria acordada polo Concello de Corcubión en relación coa seguinte materia:
- Recadación voluntaria e executiva da taxa pola entrada e saída de vehículos pola beirarrúa.
O exercicio das competencias delegadas obxecto de aceptación levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no Boletín Oficial da provincia, conforme o establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo.»
O que se fai público para xeral coñecemento.
A Coruña, 3 de outubro de 2011.
Diego Calvo Pouso José Luis Almau Supervía
Presidente da Deputación Secretario da Deputación
Provincial da Coruña Provincial da Coruña