A Xunta de Goberno Local, na sesión ordinaria do 18 de novembro de 2011, adoptou o seguinte acordo:
«Primeiro. Aprobar inicialmente o proxecto expropiatorio por taxación conxunta da área dotacional n.º 6 do PEPRI do Casco Vello, referido a 2,30 m² do predio sito na r/ Ferreira n.º 1, con referencia catastral 2764104NG2726s0001AH, e 15,00 m² do predio sito na r/ Abeleira Menéndez n.º 14, con referencia catastral 2764105NG2726S0001BH, segundo a descrición que consta na documentación elaborada pola Oficina de Planeamento e Xestión da Xerencia Municipal de Urbanismo (exp. 231/413).
Segundo. Proceder á apertura dun trámite de información pública polo prazo dun mes, mediante a inserción de anuncios no DOG e nun xornal dos de maior circulación da provincia, con notificación individualizada aos propietarios da respectiva folla separada de prezo xusto e da proposta de fixación dos criterios de valoración, para que poidan formular as alegacións que coiden oportunas.
Terceiro. Instar do Rexistro da Propiedade n.º 5 de Vigo a práctica da anotación do inicio do expediente expropiatorio polo procedemento de taxación conxunta de 2,30 m² do predio rexistral n.º 4628, sito na r/ Ferreira n.º 1, inscrito no tomo 1623, libro 1623, folio 197, alta 10; e de 15,00 m² do predio rexistral n.º 4627, sito na r/ Abeleira Menéndez n.º 14, inscrito no tomo 25, libro 25, folio 83, alta 7».
O expediente estará á disposición do público en xeral no Departamento de Información de Urbanismo, situado na planta baixa do edificio da Xerencia Municipal de Urbanismo (praza do Rei, s/n), das 9.00 ás 13.30 horas, para a súa consulta e a presentación de cantos documentos ou escritos de alegacións coiden pertinentes na súa defensa, entendéndose o período de exposición pública desde a primeira publicación ata pasado un mes desde a última publicación.
Vigo, 24 de novembro de 2011.
M.ª del Carmen Silva Rego
Concelleira delegada da Área de Urbanismo, Cascos Históricos e Grandes Proxectos