Para os efectos de dar cumprimento ao solicitado polo presidente da Sección Segunda da Sala do Contencioso-Administrativo do Tribunal Superior de Xustiza de Galicia, en relación cos recursos contencioso-administrativos que se sinalan no anexo e interpostos contra o Decreto 20/2011 do Consello da Xunta de Galicia, do 10.2.2011, polo que se aproba definitivamente o Plan de Ordenación do Litoral de Galicia, esta secretaría xeral técnica resolveu ordenar a remisión dos correspondentes expedientes ao Tribunal Superior de Xustiza de Galicia.
O que se notifica para xeral coñecemento de todas as persoas interesadas nos procedementos e se emprazan para que poidan comparecer como demandados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 30 de novembro de 2011.
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas
ANEXO
Procedemento |
Recorrente |
P.O. 4106/2011 |
Grupo Empresarial Ence, S.A. |
P.O. 4227/2011 |
Vicente Nogueira Santos |
P.O. 4241/2011 |
Promociones Casais Piñeiro, S.L. |
P.O. 4244/2011 |
Manuel Pallas Suárez e María Dolores Quintela Rodríguez |