De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,
DISPOÑO:
1. Notificar mediante esta cédula a Joaquín Rodríguez Ferreira o Acordo do Xurado de Expropiación de Galicia do 22 de xullo de 2010, mediante o que se resolve o recurso de reposición dos predios n.º 12, 13, 14 e 17 sitos en Malpica de Bergantiños, relativos ao proxecto 00521, expediente 2008/003328, cuxos datos se relacionan no anexo.
2. Contra esta resolución que esgota a vía administrativa, a persoa interesada poderá interpor recurso contencioso administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da notificación ou publicación, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. O texto íntegro do acordo referido nesta cédula está á disposición do interesado nas dependencias do Xurado de Expropiación de Galicia, con enderezo no edificio administrativo de San Lázaro s/n, de Santiago de Compostela 15703.
3. En consecuencia, para que conste e sirva de notificación, expido, asino e selo esta cédula.
Santiago de Compostela, 11 de novembro de 2011.
Manuel González Sarria
Presidente do Xurado de Expropiación de Galicia
ANEXO
Proxecto para o que se expropia: 00521-Parque empresarial de Malpica de Bergantiños. Ref. 115A-07/04.
N.º de expediente: 2008/003328.
Persoa que se notifica: Joaquín Rodríguez Ferreira.
Expropiante: Instituto Galego da Vivenda e Solo (A Coruña).
Expropiado: Joaquín Rodríguez Ferreira.
Beneficiario: Suelo Empresarial del Atlántico, S.L.
Predio n.º: 12, 13,1 4, 17.
Concello: Malpica de Bergantiños.
Provincia: A Coruña.
Valoración resolución do xurado: o xurado declárase incompetente para valorar (anúlase resolución anterior mediante a que se fixaba o prezo xusto).
