No Boletín Oficial da provincia de Pontevedra, con data do 28 de novembro de 2011, publicáronse as bases do proceso selectivo convocado pola Deputación Provincial de Pontevedra para prover a seguinte praza:
– 1 praza de oficial agrícola, encadrada na escala de Administración especial, subescala de servizos especiais, clase persoal de oficios e integrada no grupo C2, mediante o sistema de concurso-oposición, por promoción interna.
A presentación de solicitudes poderá efectuarse, ben no Rexistro Xeral da Deputación Provincial de Pontevedra, ben en calquera das formas establecidas no artigo 38.4 da Lei 30/1992, do 26 de novembro, no prazo de 20 días naturais contados a partir do seguinte ao da publicación no Boletín Oficial del Estado (BOE).
Pontevedra, 28 de novembro de 2011.
Rafael Louzán Abal
Presidente da Deputación Provincial de Pontevedra